Farg’onada kuyov o’z qaynopasiga oshxona chopqisi bilan urgani uchun 5 yilga qamaldi
Uchko‘prik tumanida oilaviy janjal chog‘ida kuyov oshxona chopqisi bilan qaynopasiga tan jarohati yetkazgan. Qaynopa shifoxonaga yotqizilgan, hayoti saqlab qolingan. Sud kuyovni 5 yilga ozodlikdan mahrum etdi.
Ma’lumotlarga ko’ra, er ayoliga telefon qilib uyga chaqirgan. Ayol opasi bilan kelgan. Uyda janjal kuchaygan. Kuyov ayoliga chopqi bilan urmoqchi bo‘lganida pichoq qaynopaga teggan.
Qaynopa og‘ir jarohat olgan. Sud majlisida u hali davolanayotganini aytgan. Uchko‘prik tuman sudida kuyov O’zbekiston Respublikasi Jinoyat 104-moddasi 2-qismining L bandida nazarda tutilgan jinoyatni sodir etganlikda aybdor deb topilib, unga nisbatan 5 yil muddatga ozodlikdan mahrum etish jazosi tayinlandi.
