Endi suv hisoblagich o‘rnatmagan davlat idoralari prokuratura nazoratiga olinadi
Mamlakatda har yili mart oyida “Suvni tejash oyligi” o‘tkazilishi belgilandi. 2027-yil 1-yanvardan boshlab davlat organlari va xo‘jalik birlashmalari rahbarlarining ish samaradorligini baholashda suv sarfini qisqartirish hamda masofadan ma’lumot uzatuvchi hisoblagichlar o‘rnatish asosiy mezonlardan biri bo‘ladi.
Ushbu talabni bajarmagan tashkilotlar to‘g‘ridan-to‘g‘ri Bosh prokuratura nazoratiga olinadi.
Bundan tashqari, 2027-yil 1-apreldan barcha budjet tashkilotlari uchun ichimlik va oqova suv xizmatlarida yagona tarif joriy etiladi. Suvni ishlab chiqarish va iste’molchilarga yetkazish hisobi esa alohida yuritila boshlaydi.
