Dunyoda rahbarlar tanqis, O‘zbekistonning esa buyuk yetakchisi bor – Irakliy Kobaxidze
Gruziyaning bosh vaziri Irakliy Kobaxidze Prezident Shavkat Mirziyoyevni kuzatishga chiqqan paytida intervyusida O‘zbekistonning esa buyuk rahbari bor ekani bildirdi. Bu haqda u jurnalist Jahongir Olimovga bergan intervyusida so‘z yuritdi.
Kobaxidze Prezident Shavkat Mirziyoyev bilan bo‘lib o‘tgan muzokaralar va unda erishilgan natijalar xususida to‘xtaldi. U, shuningdek, dunyoda siyosiy yetakchilar yetishmayotgan bir paytda O‘zbekiston buyuk rahbarga ega ekanini ta’kidlagan.
“Dunyoda rahbarlar tanqisligi bor, ammo O‘zbekistonda buyuk bir yetakchi bor. U O‘zbekistonni rivojlantirishga to‘liq o‘zini bag’ishlagan chinakam rahbar. Uning ulkan yutuqlari o‘zining shaxsiy yetakchiligi samarasi”, - degan u.
Eslatib o‘tamiz, avvalroq rasmiy tashrif davomida ikki davlat o‘rtasida Strategik sheriklik munosabatlarini o‘rnatish to‘g‘risidagi deklaratsiya imzolangani haqida xabar qilingan edi.
Shuningdek, Tbilisidagi bog‘lardan biriga Alisher Navoiy nomi beriladi va Gruziyada O‘zbekistonning elchixonasi ochilishi ma’lum qilindi.
Gruziya markazida esa Alisher Navoiy haykali tantanali ravishda ochildi.
Tashrif yakunlagach, Shavkat Mirziyoyevni Tbilisi shahridagi Shota Rustaveli nomidagi xalqaro aeroportda Gruziya Bosh vaziri Irakliy Kobaxidze kuzatib qo‘ydi.
