Dronlar hujumidan qochayotgan Wildberries tovarlarni O‘zbekistondagi omborlarga ko‘chirmoqchi
“The Moscow Times” xabariga ko‘ra, dron zarbalari oqibatida Wildberries logistika infratuzilmasining 20 foizdan ortig‘i shikastlangan. Zarar miqdori yuzlab milliard rublga baholanmoqda.
Shu sababli kompaniya sotuvchilarga mahsulotlarni xorijdagi, jumladan, Toshkent viloyatida qurilayotgan 170 ming kvadrat metrlik yangi logistika majmuasiga ko‘chirishni taklif qilmoqda.
Biroq tadbirkorlar ushbu qaror logistika zanjirini uzaytirib, yetkazib berish narxini oshirishidan xavotirda. Shuningdek, bojxona deklaratsiyasi talabi hamda arzon Xitoy tovarlari oqimining ko‘payishi mahalliy sotuvchilar uchun raqobatni keskinlashtirishi ta’kidlanmoqda.
Avvalroq Wildberries omborlariga dron hujumlari o‘zbekistonlik sotuvchilarga ham zarar yetkazayotgani aytilgandi.
