Dam olish kunlari O‘zbekistonda havo harorati ko‘tariladi
Dam olish kunlari O‘zbekistonning aksariyat hududlarida yakshanba kuni havo harorati 2–3 darajaga ko‘tarilib, Toshkentda kunduzi 32–34 darajagacha yetadi. Bu haqda O‘zgidromet xabar berdi.
4-sentyabr kuni mamlakatning katta qismida yog‘ingarchiliksiz ob-havo kuzatiladi. Farg‘ona vodiysi viloyatlari va tog‘li hududlarning ayrim joylarida qisqa muddatli yomg‘ir yog‘ib, momaqaldiroq bo‘lishi mumkin. Toshkent, Samarqand, Jizzax va Sirdaryo viloyatlarida ertalab qisqa muddatli yomg‘ir ehtimoli bor.
Dam olish kunlari respublika bo‘yicha havo biroz bulutli, shimoliy va tog‘li hududlarda esa o‘zgaruvchan bo‘ladi. Asosan yog‘ingarchilik kutilmaydi. Faqat Farg‘ona vodiysining tog‘li hududlarida qisqa muddatli yomg‘ir yog‘ishi mumkin.
4–5-sentyabr kunlari kunduzgi harorat mamlakatning katta qismida 28–33 daraja, janubda 35 darajagacha, Farg‘ona vodiysida esa 23–28 daraja atrofida bo‘ladi. Kechasi va erta tongda harorat 13–18 darajagacha pasayadi.
6-sentabr, yakshanba kuni harorat 2–3 darajaga ko‘tarilishi kutilmoqda.
Shuningdek, 4–5-sentabr kunlari shimoliy, janubiy va cho‘l hududlarining ayrim joylarida shamol tezligi 13–18 m/s gacha kuchayib, chang-to‘zonlar kuzatilishi mumkin.
Toshkentda dam olish kunlari yog‘ingarchilik kutilmaydi. Havo harorati bugun 30 daraja, shanba kuni 30–32 daraja, yakshanba kuni esa 32–34 daraja atrofida bo‘ladi. Kechasi harorat 16–18 darajani tashkil etadi.
