Buxoroda o‘qiyotgan hindistonlik talaba qiz noutbuk bilan urib o‘ldirildi
Buxoro davlat tibbiyot universitetida o‘qiyotgan hindistonlik talaba yigit Sadharul Anam 22 yoshli Savariya ismli kursdoshi bilan janjallashib, uni o‘ldirib qo‘ydi.
Voqea voqea taxminan joriy yilning 3-iyul kuni sodir bo‘lgan.Dastlabki ma’lumotlarga ko‘ra, gumonlanuvchi Savariyaning boshiga noutbuk bilan urgan. Og‘ir tan jarohati olgan talaba zudlik bilan shifoxonaga olib borilgan. Shifokorlar tomonidan ko‘rsatilgan muolajalarga qaramay, u ichki qon ketishi oqibatida vafot etgan.
Savariyaning otasi voqeadan xabar topgach O‘zbekistonga kelishga harakat qilgan, biroq hujjatlar bilan bog‘liq muammolar sabab kela olmagan. Savariyaning jasadi Dehliga yetkazilgan.
Hozirda qotillikda gumon qilinayotgan Sadharul Anam qo‘lga olingan. O‘zbekiston Bosh prokuraturasi matbuot xizmati kotibi Hayot Shamsuddinov Portal24’ga holat yuzasidan Buxoro shahar IIB tergov bo‘limi tomonidan surishtiruv olib borilayotganini bildirdi.
