“Brend” emas xosnom, “frilanser” emas erkin ishchi. Xorijiy so‘zlarning o‘zbekcha muqobillari tasdiqlandi

Unga ko‘ra:

antrakt — tanaffus;

banket — ziyofat;

breket — tishsim;

brend — xosnom;

datchik — sezgich;

dedlayn — so‘ngmuddat;

dekoratsiya — sahnabezak;

mikser — qorg‘ich;

palatka — chodir;

rakovina — chanoq;

rasprodaja — arzonsotuv;

suflyor — shivirchi;

frilanser — erkin ishchi;

emoji — hisbelgi;

xeshteg — kalitso‘z;

xostel — qoʻnoquy.

Mazkur yangilanishlar Prezidentning 2020-yildagi farmoni bilan tasdiqlangan "2020-2030-yillarda o‘zbek tilini rivojlantirish konsepsiyasi" ijrosini ta’minlash doirasida amalga oshirilmoqda.

Atamalarning milliylashtirilishi o‘zbek tilining rasmiy va ilmiy uslubdagi imkoniyatlarini kengaytirish hamda davlat tilining nufuzini mustahkamlashga xizmat qiladi. Endilikda ushbu muqobil so‘zlar rasmiy iste’molga kiritiladi.

Avvalroq lotin alifbosini yangilash bo‘yicha qonun loyihasi qabul qilingan edi. Qonun bilan lotin yozuviga asoslangan o‘zbek alifbosi 26 ta harf va 3 ta harflar birikmasi o‘rniga 28 ta harf va 1 ta tutuq belgisidan tashkil topishi nazarda tutilgan.