Apple ilk bukiluvchi smartfoni – iPhone Duo va iPhone 18 Pro liniyasini namoyish etdi
Taqdimotning bosh qahramoniga aylangan iPhone Duo modelining ichki ekrani 7,6 dyuym, tashqi ekrani esa 5,4 dyuymni tashkil etadi. Ekran qisman bukilgan holatda ham ishlashi mumkin bo‘lib, uning bir qismidan taglik sifatida foydalanish ko‘zda tutilgan. Qurilma Touch ID barmoq izi skaneri, ikki tomonlama 48 megapikselli kamera hamda ikkala bo‘limga joylashtirilgan batareya bilan jihozlangan. Ikki xil rangda chiqadigan ushbu bukiluvchi telefon narxi 1 999 dollardan boshlanadi va sotuvlar 23-oktyabrdan start oladi.
Asosiy flagmanlar – iPhone 18 Pro va Pro Max modellarida esa eng kuchli A20 Pro protsessori hamda yaxshilangan sovutish tizimi o‘rnatildi. Smartfonlar o‘zgaruvchan diafragmali 48 megapikselli kamera bilan ta’minlangan bo‘lib, suratlarga neyron tarmog‘i aralashuvini aniqlovchi yashirin suv belgilari (watermark) qo‘shish imkoniyati berildi. iPhone 18 Pro narxi 1 199 dollardan, Pro Max esa 1 299 dollardan boshlanib, ularning rasmiy sotuvi 18-sentyabrdan boshlanadi.
Shuningdek, tadbir davomida sun’iy intellekt asosida ishlovchi yangilangan Siri AI imkoniyatlari hamda yangi gadjetlar ko‘rsatilgan. Ular sirasiga shovqinni bo‘g‘uvchi AirPods 5 quloqchinlari (129 dollar) va datchiklari sezilarli darajada takomillashtirilgan Apple Watch Series 12 (399 dollar) hamda Apple Watch Ultra 4 (799 dollar) aqlli soatlari kirdi.
