Anomal issiq sababli yerusti metrosida poyezdlar tezligi pasaytirildi
“Toshkent metropoliteni” davlat unitar korxonasi xabariga ko‘ra, havo haroratining keskin ko‘tarilishi natijasida yerusti temir yo‘l relslarining harorati belgilangan me’yor – 55 darajadan yuqoriga chiqmoqda. Shu munosabat bilan, 2026-yil 15-iyuldan boshlab yerusti metro yo‘nalishlarida poyezdlarning harakat tezligi har kuni soat 18:00 gacha 60 km/soatdan 40 km/soatgacha vaqtincha cheklanadi.
Mazkur cheklov poyezdlar harakati intervaliga ham qisman ta’sir ko‘rsatadi va yerusti yo‘nalishlarida poyezdlarning kelish vaqti 14 daqiqagacha uzayishi mumkin.
Ushbu vaqtinchalik cheklovlar faqatgina yerusti metrosiga taalluqli bo‘lib, yerosti metro yo‘nalishlari odatdagi tartibda ishlashda davom etadi.
