Andijondagi ommaviy janjal ishtirokchilariga jinoyat ishi qo‘zg‘atildi
Ma’lum qilindiki, voqea joriy yilning 5-iyul kuni soat 19:00 atrofida Andijon tumani Damariq mahallasi hududida sodir bo‘lgan. Bir guruh shaxslar bilan yuzaga kelgan o‘zaro kelishmovchilik oqibatida janjal yuzaga kelgan. Mojaro davomida ishtirokchilardan biriga tan jarohati yetkazilgan.
Mazkur holat yuzasidan Andijon tumani IIB huzuridagi Tergov bo‘linmasi tomonidan Jinoyat kodeksining 277-moddasi ikkinchi qismi "b" bandi (bezorilik) bilan jinoyat ishi qo‘zg‘atilgan.
Ayni paytda hodisaning barcha tafsilotlarini aniqlash va ishtirokchilarning harakatlariga huquqiy baho berish maqsadida dastlabki tergov harakatlari davom ettirilmoqda.
