Aleksandar Vuchich Serbiya prezidentligidan iste’foga chiqishini e’lon qildi
Serbiya rahbari ushbu kutilmagan bayonotni BMT Bosh Assambleyasi yig‘ilishidan qaytgach amalga oshirishini ta’kidladi.
“Nyu-Yorkdan qaytishim bilan iste’foga chiqaman. Aniq aytmayman, menimcha, bu 25 yoki 26-sentabr bo‘ladi. Shundan so‘ng oddiy fuqaro sifatida kampaniyaga kirishaman”, dedi u.
Vuchichning so‘zlariga ko‘ra, u davlat rahbari maqomini saqlab qolgan holda hukumat rahbarligi uchun kechadigan siyosiy poygada qatnashishni istamaydi. Mamlakat tarixida yangi pretsedent yaratmoqchi ekanini ta’kidlagan prezident: “Hech bir prezident avval iste’foga chiqib, keyin oddiy fuqaro sifatida kampaniyaga kirmagan. Men birinchi bo‘lishni xohlayman”, deya ta’kidlab o‘tgan.
Kutilayotgan iste’fodan avval Aleksandar Vuchich sentyabr oyi oxirida Nyu-Yorkda o‘tkaziladigan BMT Bosh Assambleyasida ishtirok etadi. U BMT minbaridagi bo‘lajak chiqishida asosan Bolqon mintaqasida tinchlik, barqarorlik va xavfsizlikni saqlab qolish masalalariga alohida to‘xtalib o‘tishini ma’lum qilgan.
