АҚШ Яқин Шарққа зарба бермоқчими?
АҚШ Ҳарбий-денгиз кучлари Яқин Шарқ минтақасига қўшимча ҳарбий кучларни жойлаштирди.
Пентагон маълумотига кўра, минтақада учта бошқариладиган ракетага эга эсминец ва камида битта ракета билан қуролланган сувости кемаси йўналтирилган.
Хабарда таъкидланишича, АҚШ президенти Дональд Трампнинг Эронга эҳтимолий ҳарбий зарба бериш имкониятлари чекланган. Сабаби — асосий авианосецлардан бири бўлган USS Gerald R. Ford ўтган кузда минтақани тарк этган ва ҳозир Кариб денгизида жойлашган.
Кейинчалик АҚШ Марказий қўмондонлиги бу маълумотни тасдиқлади. Маълум қилинишича, «Арли Бёрк» синфидаги бошқариладиган ракетага эга эсминец USS Roosevelt Форс кўрфазига йўналтирилган.
