“Abu Sahiy” bozori hududida yuk mashinasida gaz balloni portladi
Hodisa bugun, 3-iyul kuni Toshkent shahrida Chilonzor tumani Toshkent halqa avtomobil yo‘li ko‘chasida sodir bo'lgan. Toshkent shahar Favqulodda vaziyatlar bosh boshqarmasiga kelib tushgan xabarga ko‘ra, hududga zudlik bilan qutqaruv bo‘linmalari yetib borgan.
Aniqlandiki, manzilda KAMAZ yuk avtomobilining gaz balloni yorilib ketgan.
Poytaxt FVBB ma’lumotiga ko‘ra, hodisa oqibatida tan jarohati olganlar yo‘q. Vaziyat to‘liq nazoratga olingan.
