Yangi Toşkent şahri hokimligi taşkil etilib, uning rahbarini şaxsan Prezident tayinlaydi

Hokimlik boşqaruv apparati jami 14 nafar ştat birligidan iborat bölib, uning tarkibida hokimning birinçi örinbosari, ikkita örinbosar, yordamçi, matbuot kotibi hamda taşkiliy-nazorat guruhi faoliyat yuritadi. Şuningdek, şaharda 16 ta davlat organi va taşkilotining hududiy bölinmalari uçun 30 ta ştat ajratiladi.

Yangi hokimlik tegişli ma’muriy-hududiy birlik rasman tuzilguniga qadar faoliyat olib boradi. Uşbu organ hamda davlat idoralari bölinmalariga direksiyaga doimiy foydalanişga berilgan hududlarda Toşkent viloyati va tumanlari idoralari vakolatiga kiruvçi masalalar yuzasidan mustaqil qaror qabul qiliş huquqi berildi. Hokimlik xarajatlari respublika budjetidan qoplanib, idoralar vaqtinça sobiq “Yangi Toşkent” loyihasi ofisi binosiga tekin foydalaniş asosida joylaştiriladi.

Farmon bilan Boş prokuratura, Içki işlar, Adliya va Favqulodda vaziyatlar vazirliklari hamda boşqa huquq-tartibot organlariga bir oy muddatda şaharda öz bölinmalarini taşkil etiş vazifasi yuklatildi. Vazirlar Mahkamasi esa ön kun içida hokimlik faoliyatini yölga qöyiş böyiça taşkiliy-texnik çoralarni işlab çiqişi va uç oy içida Yangi Toşkentning ma’muriy-hududiy maqomi yuzasidan aniq taklif kiritişi lozim.