Toshkentlik sobiq vazir Rossiya Davlat dumasi vitse-spikeri etib saylandi
Uning nomzodi “Yedinaya Rossiya” partiyasi raisi Dmitriy Medvedev tomonidan ilgari surilgan edi.
Savelyev 1954-yilda Toshkentda tug‘ilgan bo‘lib, o‘z mehnat faoliyatini muhandislikdan boshlagan. Keyinchalik u “Rossiya” banki, “Gazprom” va “Aeroflot” kabi yirik tuzilmalarda rahbarlik qilgan, 2020-2024-yillarda mamlakat transport vaziri, so‘ngra hukumat raisi o‘rinbosari lavozimlarida ishlagan. Deputatlikka saylangani munosabati bilan u 28-sentyabr kuni Rossiya prezidenti farmoni bilan vitse-premyerlikdan ozod etildi.
O‘tkazilgan parlament saylovlari natijalariga ko‘ra, Savelyev mandat olgan “Yedinaya Rossiya” partiyasi Davlat dumasidagi 450 ta o‘rindan 349 tasini egallab, mutlaq ko‘pchilikni qo‘lga kiritdi.
Qolgan o‘rinlar Kommunistik partiya, LDPR, “Novyye lyudi” va “Spravedlivaya Rossiya” partiyalari o‘rtasida taqsimlangan.
