Toshkentdagi Bo‘rijar ko‘chasi rasman Pekin ko‘chasi deb o‘zgartirildi
Masala avvalroq Geografik obyektlarni nomlash va qayta nomlash masalalari bo‘yicha shahar komissiyasi tomonidan ko‘rib chiqilgan bo‘lib, tuman hokimligining ushbu taklifi Kengash sessiyasida tasdiqlandi. Hujjat rasmiy e’lon qilingan kundan e’tiboran kuchga kirdi.
Nomlanish o‘zgargani munosabati bilan ushbu hududdagi ko‘chmas mulk obyektlarining manzillari ham qayta rasmiylashtiriladi. Davlat kadastrlari palatasining poytaxt boshqarmasiga ikki oy muddatda ushbu ishlarni yakunlash va manzili o‘zgargan fuqarolarni xabardor qilish vazifasi yuklatildi.
Shuningdek, Obodonlashtirish bosh boshqarmasi uch oy ichida ko‘chadagi ko‘rsatkich va peshlavhalarni yangilaydi. Tuman hokimligi hamda mas’ul idoralar tegishli hujjatlarga o‘zgartirishlar kiritadi va aholi o‘rtasida tushuntirish ishlarini olib boradi.
