Toshkent metrosida rekord qayd etilib, 1 200 000-yo‘lovchi taqdirlandi
“Toshkent metropoliteni”da kecha, 28-sentabr esa metropoliten tarixida bir kun davomida ilk marotaba 1 200 124 nafar yo‘lovchiga xizmat ko‘rsatildi. Bu haqda korxonaning axborot xizmati xabar berdi.
Qayd etilishicha,1 million 200 minginchi yo‘lovchi aniqlanib, unga estalik sovg‘asi va bir yil davomida jamoat transportidan bepul foydalanish imkonini beruvchi maxsus karta topshirildi.
Metropoliten ma’muriyati so‘nggi yillarda jamoat transportiga, xususan, metro xizmatlariga talab izchil ortib borayotganini qayd etgan. Tashkilot ushbu ko‘rsatkichni poytaxt aholisi va mehmonlarining metropolitenga bo‘lgan ishonchi hamda talabining ortishi bilan izohlagan.
Shuningdek, ma’muriyat yo‘lovchilarga qulay, xavfsiz va tezkor transport xizmatlarini ko‘rsatish bo‘yicha ishlar davom ettirilishini bildirgan.
