Toshkent avtobuslarida yo‘lkira to‘lamagan yo‘lovchilar 68 foizga oshdi
Toshkent shahrida avtobuslarda yo‘lkira haqini to‘lamasdan harakatlanayotgan yo‘lovchilarga qarshi nazorat kuchaytirildi. Sentyabr oyining dastlabki 8 kunida bunday holatlar kunlik hisobda avgustga nisbatan 237 taga ko‘paydi. Bu haqda Transport vazirligi xabar berdi.
2026-yil avgust oyida yo‘lkira haqini to‘lamagan 10 843 nafar yo‘lovchiga nisbatan ma’muriy bayonnoma rasmiylashtirilgan. Bu kuniga o‘rtacha 350 ta holatni tashkil etgan.
Sentabrning dastlabki 8 kunida esa 4 696 nafar yo‘lovchiga bayonnoma tuzilgan. Natijada kunlik o‘rtacha ko‘rsatkich 587 taga yetgan. Bu avgust oyiga nisbatan qariyb 68 foizga ko‘p.
Eslatib o‘tamiz, 1-sentabrdan brutto-shartnoma asosida ishlayotgan barcha shahar avtobuslarida yo‘lovchilar transportga chiqishi bilan yo‘lkira haqini to‘lashi shart. Shu sababli avtobuslarda nazorat reydlari ham kuchaytirilgan.
