“Tashabbusli byudjet”da Farg‘ona shahri ishtiroki vaqtinchalik cheklandi
Farg‘ona viloyatining Farg‘ona shahrida ayrim loyihalar ishchi komissiya tomonidan asossiz ravishda rad etilgani ma’lum bo‘ldi, deb xabar bermoqda Iqtisodiyot va moliya vazirligi.
Mazkur holat yuzasidan (vakolatli organ) tomonidan loyihalarni amaldagi qonunchilikda belgilangan mezonlarga asosan qayta ko‘rib chiqish yuzasidan soʻrov yuborilgan bo‘lsa-da, Farg‘ona shahri ishchi komissiyasi tomonidan loyihalar qayta ko‘rib chiqilishi ta’minlanmagan.
Shu munosabat bilan, ishchi komissiya tomonidan loyihalar amaldagi mezonlarga muvofiq qayta ko‘rib chiqilmagunga qadar Farg‘ona shahrida loyihalarga ovoz berish bosqichi vaqtinchalik cheklanadi.
“Tashabbusli budjet” jarayonining 2026-yilgi 2-mavsumi doirasida fuqarolar tomonidan jami 23 551 ta loyiha kelib tushgan boʻlib, shulardan 20 254 tasi ishchi komissiyalar tomonidan saralash bosqichidan ovoz berish bosqichiga oʻtkazildi.
