Surxondaryoda yo‘lovchi poyezdi Gentra bilan to‘qnashdi: ikki kishi halok bo‘ldi
Joriy yilning 29-avgust kuni Surxondaryo viloyatining Denov tumanidagi qo‘riqlanmaydigan temir yo‘l kesishmasida poyezd “Gentra” avtomobili bilan to‘qnashdi. oqibatda mashina bo‘lgan ikki kishi voqea joyida halok bo‘ldi.
Qayd etildiki, fojiaviy holat poyezd “Dushanbe — Volgograd” yo‘nalishida harakatlanayotgan tranzit poyezd temir yo‘l kesishmasida sodir bo‘lgan. Mashinada jami 4 kishi bo‘lgan. Ulardan ikkisi halok bo‘lgan, yana ikki kishi – haydovchi va 2 yoshli qizaloq jarohatlangan. Ular Denov tumani shoshilinch tibbiy yordam bo‘limiga olib borilgan. Reportajda ularning ahvoli yaxshi ekani aytilgan.
Guvohlardan birining so‘zlariga ko‘ra, avtomobil kesishmada to‘xtab, so‘ng yana harakatlangan va shu paytda to‘qnashuv yuz bergan. Atrofdagi fuqarolar jabrlanganlarga yordam ko‘rsatib, ularni shifoxonaga jo‘natgan.
Mahalliy aholi ushbu kesishmaga shlagbaum o‘rnatish va navbatchilik tashkil etishni so‘ramoqda. Shuningdek, ular to‘qnashuv oqibatida shikastlangan elektr ustunini tiklash zarurligini bildirgan.
Holat yuzasidan jinoyat ishi qo‘zg‘atilgan va surishtiruv olib borilmoqda
