Suriya prezidenti Trampga Golan tepaliklari o‘rniga Nyu-Jersini Isroilga berishni taklif qildi
Uchrashuv davomida Donald Tramp Golan tepaliklari Isroil hududi ekanini ta’kidlagach, Suriya rahbari bu da’voga hazil aralash munosabat bildirgan. Ash-Sharaaning ta’kidlashicha, Vashington o‘ziga tegishli bo‘lmagan yerlarni boshqa davlatga taqdim etish huquqiga ega emas, shu sababli u Trampga Golan o‘rniga Nyu-Jersi shtatini Isroilga berishni maslahat bergan.
Ash-Sharaa o‘z hazilini davom ettirib, Nyu-Jersida asosan demokratlar istiqomat qilishini va ular baribir Tramp uchun ovoz bermasligini ro‘kach qilgan. Shu bois, ushbu shtatni topshirish AQSH yetakchisi uchun siyosiy jihatdan ham, hududiy egalik nuqtai nazaridan ham mantiqiyroq qadam bo‘lishini sharaflagan.
Nizoli hudud bo‘yicha rasmiy pozitsiyasiga to‘xtalgan Suriya prezidenti Golan tepaliklari faqat u yerda yashayotgan xalqqa tegishli ekanini uqtirdi. Uning so‘zlariga ko‘ra, ushbu hudud na Suriya, na AQSH rahbarining mulki hisoblanmaydi, shu sababli uni boshqa bir davlatga o‘tkazib berish yoki undan voz kechish haqida gap ham bo‘lishi mumkin emas.
