Qişda gaz va kömirni talon-toroj qilganlar şafqatsiz jazolanadi: IIV ta’minot ustidan nazoratni öz qöliga oldi
Içki işlar vaziri Aziz Toşpölatov ötkazgan yiğilişda “Hududgazta’minot” va “LPG-Trade” mas’ullari iştirok etib, sohadagi tamagirlik va öğrilik holatlarini muhokama qildi.
Sönggi bir oyning özida suyultirilgan gazni noqonuniy sotiş bilan boğliq 374 ta holat aniqlanib, 9 mingdan ortiq gaz balloni va 93 tonnaga yaqin gaz muomaladan olindi.
Şuningdek, 333 tonna kömirning noqonuniy sotilişi oldi olinib, mahsulotlar aholiga qaytarildi.
Sohadagi talon-torojlikka Samarqanddagi voqea yaqqol misoldir. Oktyabr oyida “Pastdarğomtumangaz” korxonasi xodimlari aholiga ajratilgan 3,1 tonna gazni özlaştirgani aniqlandi. Ular gazni noqonuniy sotayotgan vaqtda uşlanib, holat yuzasidan Jinoyat kodeksining 167-moddasi (Özlaştiriş yoki rastrata yöli bilan talon-toroj qiliş) böyiça jinoyat işi qözğatildi.
Endilikda IIV xodimlari gaz töldiriş şoxobçalari, omborlar va taqsimlaş bazalarida qöriqlaşni kuçaytiradi. Gaz ballonlarini me’yordan kam beriş, aholidan asossiz pul talab qiliş hamda hisobotlardagi soxtaliklar qat’iy tekşiriladi. Transport vazirligi bilan hamkorlikda yoqilğini temir yöl va avtomobillarda taşiş jarayoni ham töliq nazoratga olinadi.
- #kömir
- #gaz
- #jazo
- #talon-toroj
