Ommaviy tadbirlarda bepul narsa tarqatiş va alkogol sotiş taqiqlanişi kutilmoqda
Içki işlar vazirligi tomonidan işlab çiqilgan yangi qaror loyihasida ommaviy tadbirlarda jamoat xavfsizligini ta’minlaş böyiça bir qator qat’iy talablar ilgari surilgan.
Xususan, odamlarni sun’iy ravişda köp yiğiş maqsadida kiyim-keçak, oziq-ovqat va boşqa mahsulotlarni bepul tarqatiş yoki ularni öta arzonlaştirilgan narxlarda sotiş böyiça aksiyalar ötkazişni taqiqlaş taklif etilmoqda. Şuningdek, tadbir ötayotgan joydan 500 metr radiusda alkogol mahsulotlari sotilişiga çeklov qöyilişi va bu taqiq tadbir boşlanişidan 2 soat oldin kuçga kirişi közda tutilgan.
Oçiq maydonlardagi odamlar siğimi böyiça ham aniq me’yorlar belgilanmoqda. Yangi tartibga köra, örindiqlari bölmagan maydonlarda har 1 kvadrat metrga köpi bilan 1 nafar taşrif buyuruvçi töğri kelişi kerak. Tadbir iştirokçilariga esa alkogol ta’sirida böliş, hayvonlar bilan kiriş hamda şaxsini yaşiriş maqsadida yuzini yopib oliş taqiqlanadi.
Tartib-intizomni buzgan şaxslar ommaviy tadbirlarga kiritilmaydi va ularning elektron hisobi içki işlar organlari tomonidan yuritiladi. Hozirda taqdim etilgan uşbu qaror loyihasi 20-noyabrga qadar jamoatçilik muhokamasida böladi va şundan söng yakuniy şaklga keltiriladi.
- #bepul
- #tekin
- #ommaviy tadbirlar
- #Içki işlar vazirligi
