Kongress töliq demokratlar qöliga ötdi: AQŞ tarixida birinçi marta musulmon senator saylandi
Saylov natijalariga köra, demokratlar respublikaçilarning an’anaviy tayançi sanalgan Texas va Ogayo kabi ştatlarda kutilmagan ğalabaga erişib, Senatda zaruriy 51 ta örinni ta’minladi.
Dastlabki hisob-kitoblarga köra, quyi palatada ham demokratlar respublikaçilardan sezilarli darajada özib ketib, nazoratni töliq qölga kiritişga yaqin turibdi. Bu prezident Donald Trampning ikkinçi muddatidagi vakolatlari davrida ilk bor Kongressning har ikkala palatasi muxolifat qöliga ötayotganini anglatadi.
Şuningdek, mazkur saylovlar AQŞ siyosiy tarixida yangi sahifa oçdi. Miçigan ştatidan Demokratik partiya nomzodi Abdul el-Sayid oraliq saylovda ğalaba qozonib, Kongress yuqori palatasi tarixidagi ilk musulmon senatorga aylandi. U ovozlarning asosiy qismi hisoblab çiqilgaç, özining respublikaçi raqibi Mayk Rojersni ortda qoldirişga erişdi. Saylov kampaniyasi davomida Tramp el-Sayidga nisbatan qattiq ayblovlar bildirgan va uni milliy xavfsizlikka tahdid sifatida körsatişga urinayotgan edi.
Kongress ustidan nazoratning muxolifatga ötişi Tramp administratsiyasining qolgan ikki yillik faoliyatini keskin murakkablaştiradi. Endilikda Oliy sud sudyalarini tayinlaş, qonun loyihalarini ötkaziş va prezidentlik kun tartibini ilgari suriş imkoniyatlari jiddiy ravişda çeklanadi.
