Сурхондарёда 4 нафар ўсмирнинг бедарак йўқолди
Сурхондарё вилоятида бир нечта ёш фуқароларнинг бедарак йўқолгани бўйича ички ишлар органлари томонидан қидирув ишлари олиб борилмоқда.
2006 йилда туғилган, Термиз шаҳри Шифокор маҳалласидан яшовчи Хасанова Дилшода Юсуф қизи 2025 йил 28 август куни яшаш манзилидан номаълум томонга чиқиб кетган ва ҳозиргача қайтиб келмаган.
2007 йилда туғилган, Қумқўрғон тумани “Жалойир” маҳалласидан яшовчи Мамадаминова Жасмина Турдимурод қизи ҳам 28 август куни уйидан чиқиб кетиб, ҳозирда унинг қаердалиги номаълум.
2005 йилда туғилган, Жарқўрғон тумани “Қораянтоқ” маҳалласидан яшовчи Эшмўминов Асадбек Эшмурод ўғли эса 7 август куни яшаш манзилидан чиқиб кетган ва қайтмаган.
Шунингдек, 15 ёшли, Музробод тумани “Ориёт” маҳалласидан яшовчи Рўзимуродова Жасмина 24 август куни уйидан чиққанидан сўнг бедарак йўқолган.
Ҳуқуқ-тартибот идоралари фуқаролардан ушбу шахслар ҳақида бирор маълумотга эга бўлса, дарҳол “102” қисқа рақамига ёки ички ишлар органларининг ҳудудий бўлинмаларига мурожаат қилишни сўрайди.
Қидирувда ёрдам берган фуқаролар 2 миллион сўмгача пул мукофоти билан тақдирланади. Шунингдек, маълумот тақдим этган шахсларнинг шахсий маълумотлари махфий сақланиши кафолатланади.
