“Sevgi yosh tanlamaydi”. Bir yilda 11 mingdan ziyod o‘zbekistonlik erkak o‘zidan katta yoshli ayolga uylandi
Respublika bo‘yicha o‘tkazilgan tahlillarga ko‘ra, bir yil ichida jami 11 040 ta nikohda ayol kishi o‘z turmush o‘rtog‘idan yoshi kattaroq bo‘lgan. Ushbu tendensiya barcha hududlarda kuzatilgan bo‘lib, ko‘rsatkichlar mintaqalar kesimida turlicha ko‘rinish olgan.
Yosh farqi bo‘yicha bunday oilalar qurilishi bo‘yicha poytaxt Toshkent shahri yetakchilik qilmoqda – 1 809 ta nikoh. Keyingi o‘rinlarni Xorazm (1 066 ta) hamda Qashqadaryo (995 ta) viloyatlari egallagan. Buxoro (979 ta) va Samarqand (967 ta) viloyatlarida ham ko‘rsatkichlar deyarli mingtasiga yetgan.
Ro‘yxatning keyingi qatorlarida Toshkent viloyati (928 ta), Surxondaryo (850 ta), Qoraqalpog‘iston Respublikasi (772 ta) va Farg‘ona (715 ta) viloyatlari joy olgan. Nisbatan kamroq bunday nikohlar Namangan (509 ta), Andijon (486 ta), Jizzax (373 ta), Navoiy (351 ta) hamda Sirdaryo (240 ta) viloyatlarida qayd etilgan.
