Самарқандда қизни ўғирлаган эркаклар беш йилга қамалди
Маълум бўлишича, ҳодиса 2025 йил август ойида содир бўлган. Айбланувчилар Nexia автомашинасида ҳаракатланаётган вақтда йўлни кесиб ўтаётган қизни кўриб қолган. Улар қизга нисбатан куч ишлатиб, уни машинага ўтқазган ва маълум вақтдан сўнг яна ўша ҳудудга қайтариб келиб қолдирган.
Суд жараёнида айбланувчилар ўз қилмишини тан олган. Иш материалларига кўра, улар маст ҳолатда бўлган. Суд бу ҳолатни енгиллаштирувчи омил сифатида қабул қилмаган.
Каттақўрғон тумани суди қарорига асосан, айбланувчилар Жиноят кодексининг одам ўғирлаш моддаси билан айбдор деб топилди. Юқори суд инстанцияси ҳам дастлабки ҳукмни ўз кучида қолдирди.
