Rossiyadagi shifoxonalar migrantlarning OIV va giyohvandlik diagnostikasini IIVga oshkor qiladi
Tashabbus xorijiy fuqarolarning tibbiy xulosalari shaffofligini ta’minlash hamda mamlakatdagi epidemiologik vaziyatni nazorat qilish maqsadida ishlab chiqilgan. Yangi tartibga ko‘ra, shifokorlar tomonidan beriladigan barcha tibbiy xulosalar faqat elektron shaklda Yagona davlat axborot tizimiga kiritiladi. Qalbaki hujjatlar aylanishiga chek qo‘yish uchun diagnostika ma’lumotlari bir sutka ichida kuchishlatar idoralar hamda nazorat organlariga uzatiladi.
Ushbu loyiha prezident Vladimir Putin tomonidan imzolangan majburiy tibbiy ko‘rik haqidagi qonun ijrosini ta’minlashga qaratilgan. Unga ko‘ra, Rossiyaga kelgan mehnat migrantlari hamda mamlakatda 90 kundan ortiq qolmoqchi bo‘lgan barcha chet elliklar D-vizasiz yoki kirgandan keyin 30 kun ichida maxsus ko‘rikdan o‘tishlari shart. Shuningdek, ushbu jarayon har yili takrorlanib turishi belgilanmoqda.
Majburiy ko‘rik doirasida xorijliklar OIV, yuqumli xastaliklar hamda giyohvandlik vositalari iste’moli bo‘yicha to‘liq poyda tekshiruvdan o‘tkaziladi. Tekshiruvlar faqat belgilangan vakolatli tibbiyot maskanlarida o‘tkazilishi shart. Barcha moliyaviy xarajatlar esa migrantlarning o‘zlari yoki ularni ishga yollagan ish beruvchilar zimmasiga yuklatiladi.
