Rossiya, Qozog‘iston va Hindiston. O‘zbekistonga doimiy yashashga kelayotganlar soni o‘smoqda
Mamlakatga ko‘chib keluvchilar oqimi 2025-yilgi yillik umumiy ko‘rsatkichni (1 159 kishi) yarim yil ichidayoq ortda qoldirdi. Xorijdan kelganlarning eng katta qismi Rossiya (580 kishi), Qozog‘iston (362 kishi) hamda Tojikiston (147 kishi) hissasiga to‘g‘ri keladi. Qolgan mamlakatlardan jami 560 nafar fuqaro ko‘chib kelgan.
Aholining hududlar bo‘yicha taqsimlanishida yaqqol tengsizlik kuzatiladi. Ko‘chib kelganlarning 66 foizi (1 089 kishi) Toshkent shahriga, 16 foizi (269 kishi) esa Toshkent viloyatiga joylashgan. Hududlar orasida poytaxt mintaqasidan tashqari faqat Qoraqalpog‘iston Respublikasida nisbatan yuqori ko‘rsatkich (115 kishi) qayd etilgan bo‘lsa, eng kam ko‘chib keluvchilar Qashqadaryo viloyatiga (5 kishi) to‘g‘ri kelgan.
Aholini ro‘yxatga olish ma’lumotlariga ko‘ra, mamlakatda 1 yildan ortiq muddatdan beri yashab kelayotgan xorijliklar soni 56 860 nafarni tashkil etadi. Ularning etnik tarkibida eng katta ulushni Hindiston (23 foiz yoki 13 312 kishi) va Rossiya (19 foiz yoki 10 826 kishi) fuqarolari egallagani aniqlangan.
