Prezident davlat xavfsizlik xizmati rahbari ishdan olindi: Alisher Usmonov o‘rniga Rustam Jo‘rayev tayinlandi
Prezident farmoni bilan Rustam Jo‘rayev O‘zbekiston Prezidenti davlat xavfsizlik xizmati (PDXX) rahbari etib tayinlandi. Bu haqda davlat rahbarining matbuot kotibi xabar berdi. Shuningdek, Prezident farmoni bilan Rustam Jo‘rayevga general-leytenant maxsus unvoni berildi.
Yangi tayinlovga qadar Rustam Jo‘rayev 2026-yil yanvar oyidan buyon ichki ishlar vazirining birinchi o‘rinbosari – IIV Jamoat xavfsizligi departamenti boshlig‘i lavozimida faoliyat yuritib kelayotgan edi.
U ushbu lavozimda 2020-yil dekabridan beri PDXXga rahbarlik qilib kelgan Alisher Usmonovning o‘rnini egalladi. Alisher Usmonov 17-iyul kuni kechqurun lavozimidan ozod etilgan.
Ma’lumot uchun, Rustam Jo‘rayev Ichki ishlar vazirligi akademiyasi bitiruvchisi hisoblanadi. U o‘z faoliyati davomida IIV tizimi, Prezident devoni, Toshkent shahri, Namangan va Xorazm viloyatlari ichki ishlar boshqarmalarida rahbarlik qilgan, shuningdek, 2017–2018-yillarda favqulodda vaziyatlar vaziri lavozimida ishlagan.
