Pokistonda yong‘inda 14 ta yangi tug‘ilgan chaqaloqlar halok bo‘ldi
Bo‘limda jami 15 ta chaqaloq bo‘lgani aytiladi, ulardan faqat bittasini shifokor qutqarib qolgan. Yong‘in taxminan soat 6:45 da havo sovutish qurilmasi portlashi oqibatida yuzaga kelgan. Kislorod ballonlari tufayli olov tez tarqalgan. O‘t o‘chirish jamoalari yetib kelib, yong‘inni qisqa vaqt ichida nazoratga olgan.
Bosh vazir Shehbaz Sharif hodisani shaxsan nazoratga oldi. U chuqur qayg‘uda ekanini bildirib, tegishli organlarga darhol tekshiruv o‘tkazishni buyurdi. Mamlakat sog‘liqni saqlash vazirligining byurokratik rahbari esa lavozimidan olib tashlangan. Shuningdek, yuqori darajadagi tergov qo‘mitasi tuzilib, voqea sabablari va mas’ul shaxslarni aniqlash topshirildi.
