O‘zbekistonning qaysi hududida eng ko‘p kredit ajratilgan?
Markaziy bank ma’lumotlariga ko‘ra, O‘zbekistonda bank kreditlari qoldig‘ining 45 foizdan ortig‘i Toshkent shahri hissasiga to‘g‘ri kelmoqda. Viloyatlar orasida esa Farg‘ona yetakchilik qilmoqda.
Qayd etilishicha, 2026-yil 1-avgust holatiga mamlakat bo‘yicha jami kreditlar qoldig‘i 644,6 trln so‘mni tashkil etgan. Shundan 292,8 trln so‘mi Toshkent shahri hissasiga to‘g‘ri keladi.
Viloyatlar orasida eng yuqori ko‘rsatkich Farg‘onada qayd etilgan — 37,6 trln so‘m. Keyingi o‘rinlarda Samarqand (33,3 trln so‘m), Toshkent (30,6 trln so‘m), Andijon (30,3 trln so‘m) va Qashqadaryo (30,3 trln so‘m) viloyatlari joylashgan.
Qolgan hududlar ketma-ketligi quyidagicha:
- Buxoro viloyati — 28,6 trln so‘m;
- Xorazm viloyati — 27,4 trln so‘m;
- Surxondaryo viloyati — 24,7 trln so‘m;
- Namangan viloyati — 24,1 trln so‘m;
- Qoraqalpog‘iston Respublikasi — 22 trln so‘m;
- Jizzax viloyati — 21,1 trln so‘m;
- Navoiy viloyati — 21 trln so‘m;
Sirdaryo viloyati — 21 trln so‘m.
Avvalroq, O‘zbekistonda muomaladagi bank kartalari soni bir oyda qariyb 1,1 milliontaga ko‘paydi. 1-avgust holatiga mamlakatdagi bank kartalari soni 75 mln 686,9 mingtaga yetgani xabar qilingan edi.
