Qozondan Farğonaga töğridan-töğri samolyot qatnovi yölga qöyilmoqda
Rossiyaning Nordwind Airlines aviakompaniyasi 25-noyabrdan boşlab Qozon hamda Farğona şaharlarini töğridan-töğri parvozlar bilan boğlaydi. Aviataşuvçi reyslarni haftaning har çorşanba kunlari Airbus A321 samolyotlarida bajarişni rejalaştirgan. Yölovçilar manzilga taxminan 3 yarim soat içida yetib borişlari mumkin böladi.
Uşbu yangi yönaliş Uzbekistan Airports hamda Nordwind Airlines vakillarining Moskvada bölib ötgan xalqaro aviatsiya forumidagi muzokaralari samarasidir. Uçraşuvda Özbekistonning viloyat aeroportlariga parvozlar geografiyasini kengaytiriş masalasi kelişib olingan edi.
Farğona rossiyalik aviataşuvçi uçun Qozon şahridan reys bajariladigan Özbekistondagi törtinçi manzilga aylanadi. Kompaniya şu yilning yozidan buyon Toşkent, Samarqand va Namangan yönalişlarida ham muntazam parvozlarni amalga oşirib kelmoqda.
Yangi havo yöli Farğona vodiysi va Tatariston örtasida qatnovçi yölovçilar, mehnat migrantlari hamda işbilarmonlar uçun qöşimça qulaylik yaratişi kutilmoqda.
