O‘zbekistonliklar eng ko‘p qaysi davlatlarga sayohat qilmoqda?
2026-yilning yanvar–avgust oylarida 5,3 mln nafar O‘zbekiston fuqarosi turistik maqsadlarda xorijga safar qilgan. Eng ko‘p tashrif buyurilgan davlatlar orasida Qirg‘iziston, Qozog‘iston va Tojikiston yetakchilik qilmoqda. Bu haqda Milliy statistika qo‘mitasi xabar berdi.
Qayd etilishicha, xorijga turistik maqsadlarda safar qilgan o‘zbekistonliklar soni o‘tgan yilning mos davriga nisbatan 109,9 ming nafarga oshgan.
O‘zbekistonliklar eng ko‘p tashrif buyurgan TOP-10 davlat:
- Qirg‘iziston — 2 427 526 nafar;
- Qozog‘iston — 955 829 nafar;
- Tojikiston — 876 650 nafar;
- Rossiya — 257 567 nafar;
- Turkiya — 212 265 nafar;
- Saudiya Arabistoni — 184 155 nafar;
- BAA — 56 910 nafar;
- Xitoy — 52 043 nafar;
- Misr — 39 599 nafar;
- Vyetnam — 33 439 nafar.
Eslatib o‘tamiz, avvalroq joriy yilning yanvar–avgust oylarida O‘zbekistonga turistik maqsadlarda kelgan chet el fuqarolari soni 9 102 729 nafarni tashkil etgandi.
- #sayohat
- #xorij
