O‘zbekistondagi odamlar eng ko‘p qaysi ilovalardan foydalanayotgani ma'lum bo'ldi
Iqtisodiy-tahliliy va raqamli bozor eksperti Timurmalik Elmuradov “data.ai” tahlillariga tayanib xabar beradiki, iyul oyida “Telegram” 9 pog‘onaga ko‘tarilib, eng ko‘p yuklab olingan ilovalar ro‘yxatida 1-o‘rinni egalladi. Kuchli uchlikdan “Instagram” ham joy olgan bo‘lsa, “ChatGPT” aksincha ikki pog‘ona pastladi. Umumiy reytingda “Payme” paydo bo‘lib, moliyaviy ilovalarga talab yuqoriligini ko‘rsatgan.
Mahalliy ilovalar segmentida “MyGov” va “Uzum Market” birinchi va ikkinchi o‘rinlarni saqlab qolgan. “One ID mobile” bir pog‘ona yuqorilagan bo‘lsa, “Soliq” ilovasi 4-o‘rinni egalladi. Eng e’tiborli voqea – “DMED” tibbiy ilovasining 77 pog‘ona ko‘tarilib, 6-o‘ringa chiqishi bo‘lgan. Loyiha sohaga raqamli qulayliklar olib kirishi bilan birga, mutaxassislar unda ma’lum darajada sun’iy o‘rnatishlar va texnik xatoliklar ham mavjudligini ta’kidlamoqda.
Shuningdek, “Hamkorbank” litsenziyasi bilan ishlaydigan kredit kartalariga ixtisoslashgan yangi “Tez” ilovasi bozorga kirib keldi. Bank va fintex ilovalari poygasida “Hamkor” 2 pog‘ona ko‘tarilib 7-o‘rinni egallagan bo‘lsa, “Click” va “Uzum Bank” bir pog‘onadan pastladi.
