O‘zbekistonda xorijiy OTMlar soni 10 yilda 4,3 barobarga oshdi
O‘zbekistonda faoliyat yuritayotgan xorijiy oliy ta’lim tashkilotlari soni so‘nggi 10 yilda 4,3 barobarga ko‘paydi. Bu haqda Milliy statistika qo‘mitasi xabar qildi.
Ma’lumotlariga ko‘ra, 2025/2026 o‘quv yili boshida mamlakatda 30 ta xorijiy oliy ta’lim tashkiloti faoliyat yuritgan. Xorijiy OTMlar soni 2015/2016 o‘quv yilida 7 ta bo‘lgan bo‘lsa, 2020/2021 o‘quv yiliga kelib 18 taga yetgan. 2025/2026 o‘quv yilida esa ularning soni 30 tani tashkil etgan.
Shuningdek, xorijiy OTMlar soni 2005/2006 o‘quv yilida 2 ta, 2010/2011 yilda 6 ta bo‘lgan.
Shunday qilib, so‘nggi 20 yil ichida O‘zbekistondagi xorijiy oliy ta’lim tashkilotlari soni 2 tadan 30 tagacha oshgan.
