O‘zbekistonda oliygohni bitirgan qizlar yigitlarga qaraganda kamroq maosh olmoqda
O‘zbekistonda oliy ta’lim muassasalarini tamomlagan qizlarning o‘rtacha ish haqi 3,9 mln so‘mni, yigitlarniki esa 6 mln so‘mni tashkil etmoqda. Bu Bitiruvchilar sifati indeksi (BSI) doirasida o‘tkazilgan tahlilda ma’lum bo‘ldi.
Qayd etilishicha, qizlarning bandlik darajasi yigitlarnikidan yuqori — mos ravishda 85,1 va 80,4 foiz. Shuningdek, qizlar o‘qishni tugatgach o‘rtacha 2 oyda, yigitlar esa 3 oyda ishga joylashmoqda.
Qizlar orasida transport xizmatlari, matematika va statistika, ta’lim, biznes va boshqaruv hamda gumanitar fanlar yo‘nalishlari yuqori natija qayd etgan. Yigitlarda esa biznes va boshqaruv, sog‘liqni saqlash, san’at, matematika va statistika hamda axborot-kommunikatsiya texnologiyalari TOP-5 yo‘nalishdan joy olgan.
