O‘zbekiston venchur investitsiyalar o‘sish sur’ati bo‘yicha dunyoda 1-o‘rinni egalladi
O‘zbekiston 2026-yil II chorak (Q2) yakunlari bo‘yicha venchur kapital investitsiyalari o‘sish sur’ati bo‘yicha dunyoda 1-o‘rinni egalladi. Ushbu hisobot Dealroom platformasin tominidan e'lon qilindi.
Qayd etildiki, ushbu ko‘rsatkich O‘zbekistonda bir yil ichida 539,7 foizga oshgan. Dunyodagi eng yirik venchur kapital bozori hisoblangan AQSH ham kuchli o‘nlikdan joy oldi. O‘zbekiston esa o'sish sur’ati bo‘yicha Xitoy va AQSHni ortda qoldirdi.
Mazkur reyting 2026-yilning ikkinchi choragi va yilning birinchi yarmi yakunlari bo‘yicha dunyoning 500 dan ortiq mamlakat va hududlaridagi rasmiy venchur investitsiya natijalari asosida tuzilgan.
Dealroom — startaplar, tez o‘sayotgan kompaniyalar, venchur kapital (VC) investitsiyalari va texnologik ekotizimlar bo‘yicha dunyodagi eng yirik tahliliy platformalardan biri. U 2013-yilda Amsterdamda tashkil etilgan bo‘lib, bugungi kunda millionlab kompaniyalar, yuz minglab investorlar va 100 dan ortiq mamlakat hamda hududlarning innovatsion ekotizimi haqidagi ma’lumotlarni tahlil qiladi.
Bunday o‘sish O‘zbekistonda startap ekotizimi rivojlanayotganini va xorijiy investorlarning innovatsion loyihalarga qiziqishi ortayotganini ko'rsatadi. Natijada yangi texnologik kompaniyalar soni ko'payishi, investitsiyalar hajmi oshishi va mamlakatning xalqaro investitsiya jozibadorligi mustahkamlanishi kutilmoqda.
