"O‘zbekiston temiryo‘llari" boshqaruvidagi qo‘l mehnati 38,4 million yevrolik loyiha evaziga raqamlashtiriladi
Mamlakatdagi yuk tashuvlarining 40 foizigacha bo‘lgan qismini amalga oshiruvchi kompaniya 6 950 kilometrga yaqin temir yo‘l tarmog‘ini boshqaradi.
Loyiha poyezdlar harakati va dispetcherlik boshqaruvidagi ayrim qo‘lda bajariladigan operatsiyalarni to‘liq zamonaviy dasturiy ta’minotga o‘tkazishni nazarda tutadi. Bu orqali harakat jadvallarini tuzish va tezkor boshqaruv samaradorligi oshirilib, operatsion xarajatlar va xavfsizlik risklari qisqartiriladi, shuningdek, muhim axborot tizimlarining kiberhimoyasi xalqaros standartlarga moslashtiriladi.
Dastlab umumiy qiymati 45 million yevro deb baholangan ushbu loyihani bank direktorlar kengashi 2026-yil 28-mayda ma’qullagan va keyinchalik tegishli bitimlar imzolangan. Ta’kidlanishicha, ushbu raqamlashtirish jarayoni nafaqat ichki tashuvlar sifatini yaxshilaydi, balki Transkaspiy xalqaro transport yo‘lagi bo‘ylab yuk va yo‘lovchi qatnovlarini ham sezilarli darajada yengillashtiradi.
