O‘qishni davlat oliygohlariga ko‘chirish bo‘yicha o‘tish ballari tasdiqlandi
2026/2027-o‘quv yili uchun xorijiy va nodavlat oliy ta’lim tashkilotlaridan O‘zbekiston davlat oliygohlariga o‘qishni ko‘chirish bo‘yicha maxsus sinovlarning o‘tish ballari belgilandi.
Ta’lim yo‘nalishlari kesimida o‘tish ballari:
• Huquq – 165 ball;
• Siyosatshunoslik, Xalqaro munosabatlar, Jahon iqtisodiyoti – 140 ball;
• Sog‘liqni saqlash (Tibbiyot) – 132 ball;
• San’at, ijtimoiy fanlar, jurnalistika, biznes va boshqaruv – 105 ball;
• Transport xizmatlari – 104 ball;
• Ta’lim, gumanitar fanlar, tillar, matematika, AKT, ijtimoiy ta’minot – 94 ball;
• Biologiya, fizika, xizmat ko‘rsatish – 80 ball;
• Muhandislik, ishlab chiqarish, arxitektura – 75 ball;
• Qishloq, o‘rmon va baliq xo‘jaligi, mehnat muhofazasi – 70 ball;
• Veterinariya – 60 ball.
Joriy o‘quv yilida ayrim yo‘nalishlarda minimal talablar avvalgi yilga nisbatan yuqoriladi. Xususan, san’at yo‘nalishida o‘tish bali 93 balldan 105 ballga, sog‘liqni saqlashda esa 129 balldan 132 ballga ko‘tarilgan. Eng yuqori ball talab etiladigan huquq yo‘nalishida esa ko‘rsatkich o‘zgarishsiz (165 ball) qoldirilgan.
Xorijiy davlatlardagi OTMlardan O‘zbekistondagi davlat oliygohlarining mos kelmaydigan yoki turdosh bo‘lmagan bakalavriat yo‘nalishlariga o‘qishni ko‘chirishga mutlaqo ruxsat berilmaydi.
