Қалбаки 45 миллион сўмни сотмоқчи бўлган шахс ушланди
У 200 дона 100 минг сўмлик ва 125 дона 200 минг сўмлик купюрадан иборат жами 45 миллион сўм қалбаки пулни 18 миллион сўмга сотмоқчи бўлгани аниқланган.
Тадбир давомида гумонланувчининг ёнидан қўшимча равишда 100 минг сўмлик купюрадаги 5 миллион сўм миқдоридаги қалбаки пуллар ҳам олинди.
Шунингдек, унинг яшаш манзилидан ноутбук, рангли принтер, махсус бўёқлар ва қоғозлар ашёвий далил сифатида мусодара қилинди.
Таъкидлаш жоизки, ушбу шахс муқаддам ҳам худди шундай жиноят учун судлангани маълум бўлди.
Ҳолат юзасидан унга нисбатан Жиноят кодексининг 176-моддаси 2-қисми “а” банди билан жиноят иши қўзғатилди ва “қамоқ” эҳтиёт чораси қўлланилди.
Айни вақтда тергов ҳаракатлари давом этмоқда.
