Javobgarlikka tortilgan Toshkent sudi sudyalari BMTga murojaat qildi
“Ezgulik” inson huquqlari tashkiloti rahbari Abdurahmon Tashanov ma’lum qiladiki, joriy yilning 12-yanvar kuni Bosh prokuror tomonidan Jinoyat kodeksining 206, 209 va 231-moddalari bilan javobgarlikka tortilgan Toshkent shahar sudi sudyalari BMTning Asossiz qamoqqa olishlar bo‘yicha ishchi guruhiga (UNWGAD) murojaat qildi.
Sobiq sudyalar o‘z murojaatida tergov davrida bosim va aldov yo‘li bilan ko‘rsatmalar olingani, xizmat tekshiruvi xolis olib borilmagani hamda o‘zlarining daxlsizlik huquqlari buzilganini ta’kidlagan. Ular mamlakat ichidagi turli instansiyalarga qilgan murojaatlari natijasiz qolganini bildirishgan.
Ma’lumot uchun, BMTning Asossiz qamoqqa olishlar bo‘yicha ishchi guruhi hukumatlar tomonidan fuqarolarning noqonuuniy yoki asossiz ushlab turilishi holatlarini o‘rganuvchi mustaqil xalqaro organdir.
