Ilhom Aliyev va Mehribon Aliyeva buxoroga bordi
Ozarbayjon Prezidenti Ilhom Aliyev va uning rafiqasi, Birinchi xonim Mehribon Aliyeva Buxoro shahriga bordi. Ularni O‘zbekiston Prezidenti Shavkat Mirziyoyev va Birinchi xonim Ziroat Mirziyoyeva kutib oldi. Bu haqda O‘zbekiston prezidentining matbuot xizmati xabar berdi.
Mehmonlarni kutib olish marosimi milliy qo‘shiq va raqslar ijrosi bilan tantanali tarzda o‘tkazildi. Tashrif doirasida davlat rahbarlari qadimiy Buxoroning tarixiy obidalarini ziyorat qilishi, shuningdek, sanoat korxonalari faoliyati bilan tanishishi rejalashtirilgan.
Tashrifning ilk manzillaridan biri Ismoil Somoniy maqbarasi bo‘ldi. Ozarbayjon Prezidenti Ilhom Aliyev, Birinchi xonim Mehribon Aliyeva, O‘zbekiston Prezidenti Shavkat Mirziyoyev, Birinchi xonim Ziroat Mirziyoyeva va ularning oila a’zolari Buxorodagi ushbu tarixiy obidani ziyorat qildi.
