Germaniyadagi arxivlardan O‘zbekiston tarixiga oid 1000 dan ortiq yangi hujjat keltirildi
Shu bilan birga, Tatariston davlat arxivlaridan ikki tomonlama savdo-iqtisodiy hamda madaniy-ma’rifiy aloqalarga oid 836 kadr materiallar qabul qilib olindi. O‘z navbatida, “O‘zarxiv” agentligi xalqaro aloqalarni kengaytirish maqsadida Qozog‘iston, Hindiston hamda Koreya Respublikasi milliy arxivlari bilan o‘zaro hamkorlik memorandumlarini imzoladi.
Sohaga zamonaviy raqamli imkoniyatlarni joriy etish doirasida AQSH tajribasi o‘rganilib, genealogik tadqiqotlarda DNK tahlillari hamda sun’iy intellekt vositalaridan foydalanish bo‘yicha ishlar boshlandi. Xususan, “Ottoman Project” seminarlarida Chig‘atoy turkiy tilidagi qadimiy qo‘lyozma va hujjatlar bilan ishlashda AI texnologiyalarining imkoniyatlari amaliy ko‘rsatib berildi.
Ushbu davrda xorijlik olimlarning milliy manbalarga bo‘lgan qiziqishi ham sezilarli darajada ortdi. Dunyoning 15 mamlakatidan, jumladan AQSH, Kanada, Germaniya, Yaponiya va Buyuk Britaniyadan kelgan 79 nafar xalqaro tadqiqotchiga O‘zbekiston davlat arxivlarining o‘quv zallarida izlanish olib borishlari uchun barcha sharoitlar yaratib berildi.
