Endi pedagog bolaga zo’ravonlik qilsa 1 yil muddat davomida maktabgacha ta’lim tashkilotida ishlamaydi
Oʻzbekistonda bolalarga nisbatan zoʻravonlik muammosi dolzarb boʻlib qolmoqda. UNICEF va Oʻzbekiston Respublikasi Statistika agentligi tomonidan oʻtkazilgan tadqiqotlarga koʻra, soʻnggi yillarda 1 yoshdan 14 yoshgacha boʻlgan bolalarning 62–69 foizi tarbiyaviy jarayonda qattiq ruhiy bosimga duch kelgan. Ulardan 29 foizi jismoniy zoʻravonlik qurboni boʻlgan.
Ya’ni ushbu qonun taʼlim berish jarayonida voyaga yetmagan bolalarga nisbatan jismoniy zoʻravonlik sodir etganlik uchun maʼmuriy javobgarlik belgilanmoqda va bir yil muddatga maktabgacha ta’lim tashkilotlarida ishlashdan chetlatiladi.
Shuningdek, Portal24 da chiqgan xabarda Toshkentda bolalarni muntazam qiynab kelgan 36 yoshli bog‘cha tarbiyachisiga jinoyat ishi ochilgan edi va litsenziya talablariga javob bermaydigan, har qanday maktabgacha ta’lim tashkilotlarining litsenziyasini bekor qilish yuzasidan tegishli choralar ko‘rilishi haqida ham Maktabgacha ta’lim vazirligi xabar bergan edi.
Shu bilan birga, yetim bolalar va ota-ona qaramogʻidan mahrum boʻlgan bolalar faqat ularning qarindoshlariga berilishi qoidasi joriy etilmoqda.
Senatorlarning fikricha, ushbu Qonun bolalarning huquq va qonuniy manfaatlarini ishonchli himoya qilish, qadr-qimmati va daxlsizligini taʼminlash boʻyicha huquqiy kafolatlarni mustahkamlashga zamin yaratadi.
