Elektrotexnika korxonalariga 5 mln dollargacha kredit ajratiladi
Elektrotexnika sanoatini rivojlantirish bo‘yicha yangi tartib joriy etiladi. 2026-yil 1-oktabrdan boshlab sohadagi korxonalarga aylanma mablag‘larini to‘ldirish uchun 2 yilgacha muddatga, 3 oylik imtiyozli davr bilan yillik 6 foizdan kredit ajratiladi. Bitta tadbirkor uchun kredit miqdori 5 mln dollargacha bo‘lishi mumkin.
Kreditning 50 foizigacha, biroq 20 mlrd so‘m ekvivalentidan oshmagan qismiga davlat kafilligi beriladi. Qolgan qismi uchun tadbirkor likvid mol-mulk, sug‘urta polisi, eksport shartnomasi yoki boshqa ta’minotni taqdim etadi.
Bundan tashqari, korxonalarga mis xomashyosini xarid qilishda ham yengillik yaratiladi. Bunda korxona mis qiymatining 25 foizini o‘zi to‘laydi, qolgan 75 foizini “O‘zsanoatqurilishbank” emas, “O‘zsanoat eksport” AJ 3 kun ichida to‘lab beradi. Ushbu mablag‘ korxona tomonidan 90 kun ichida qaytariladi, kechiktirilgan har bir kun uchun yillik 6 foiz stavkada foiz hisoblanadi.
