Dam olish kunlari O‘zbekistonda qanday ob-havo kuzatiladi?
Dam olish kunlari O‘zbekistonda havo asosan kam bulutli bo‘lib, yog‘ingarchilik kutilmaydi. Havo harorati biroz pasayib, kunduzi 25–30 daraja atrofida bo‘ladi. Bu haqda O‘zgidromet ma’lum qildi.
Bugun, 11-sentabr kuni respublika hududining katta qismida quruq ob-havo kuzatiladi. Faqat Orolbo‘yi va Toshkent viloyatining ayrim joylarida qisqa muddatli yomg‘ir yog‘ishi mumkin. Harorat 32–35 daraja, shimoli-g‘arbda esa 23–28 daraja atrofida bo‘ladi.
Dam olish kunlari havo harorati biroz pasayadi. Kunduz kunlari 25–30 daraja, ayrim joylarda 32 darajagacha, janubda esa 35 darajagacha issiq bo‘lishi kutilmoqda.Shamol 7–12 m/s tezlikda esadi. 11–12-sentabr kunlari ayrim joylarda uning tezligi 13–18 m/s gacha kuchayib, chang-to‘zonlar kuzatilishi mumkin.
Tog‘li hududlarda 11–12-sentabr kunlari ayrim joylarda qisqa muddatli yomg‘ir yog‘ishi mumkin. 13-sentabrda esa yog‘ingarchilik kutilmaydi.
Toshkentda bugun kunning birinchi yarmida qisqa muddatli yomg‘ir yog‘ishi mumkin. Harorat 33–35 daraja bo‘ladi. Dam olish kunlari poytaxtda yog‘ingarchilik kutilmaydi. Kechasi harorat 16–18 daraja, kunduzi shanba kuni 28–30 daraja, yakshanba kuni esa 30–32 daraja bo‘lishi prognoz qilinmoqda. Shamol sharqdan 5–10 m/s tezlikda esadi.
