Chaqalog‘ini pullamoqchi bo‘lgan er-xotinga 5 yil qamoq jazosi berildi
Farg‘ona viloyatida yangi tug‘ilgan chaqalog‘ini pul evaziga boshqa shaxslarga bermoqchi bo‘lgan yosh ota-onaga sud hukmi o‘qildi. Sud ularni Jinoyat kodeksining 135-moddasi (odam savdosi) bilan aybdor deb topib, har biriga 5 yil muddatga ozodlikdan mahrum qilish jazosini tayinladi.
Ma’lum qiliindiki, er-xotin moddiy qiyinchilik va oilaviy muammolar sabab ushbu jinoyatga qo‘l urgan. Ayol sudda davolanishi uchun mablag‘ zarurligi, shuningdek, ota-onasi bilan kelishmovchilik tufayli farzandi bilan uydan chiqarib yuborilganini aytgan.
Tergov davomida aniqlanishicha, ayol tanishi orqali chaqaloqni boshqa oilaga pul evaziga berishga rozi bo‘lgan. Er-xotin olinadigan mablag‘ hisobidan kredit va qarzlarini yopishni rejalashtirgan.
Sud qaroriga ko‘ra, har ikki sudlanuvchi 5 yil muddatga ozodlikdan mahrum etildi. Voyaga yetmagan bolaning keyingi taqdiri esa Qo‘qon shahar Inson ijtimoiy xizmatlar markazi hamda bolalarni himoya qiluvchi mas’ul organlar nazoratiga topshirildi
