AQSH davlat kotibi Marko Rubio oktabrda Samarqandga keladi
AQSH davlat kotibi Marko Rubio oktabr o‘rtalarida 100 dan ortiq Amerika kompaniyasi vakillaridan iborat biznes delegatsiyaga boshchilik qilib, Samarqandga keladi. Bu haqda AQSHning Janubiy va Markaziy Osiyo bo‘yicha maxsus vakili Serjio Gor ma’lum qildi.
Tashrif davomida Rubio O‘zbekiston, Qozog‘iston, Qirg‘iziston, Tojikiston va Turkmaniston tashqi ishlar vazirlari bilan C5+1 uchrashuvida qatnashadi. Unda mintaqaviy iqtisodiy aloqalar, energetika xavfsizligi va umumiy masalalarni birgalikda hal etish yo‘llari muhokama qilinadi.
«Rubio O‘zbekiston rahbariyati va mintaqadagi hamkorlari bilan savdoni kengaytirish, xususiy sektor investitsiyalarini rag‘batlantirish hamda Markaziy Osiyo iqtisodiyotini modernizatsiya qilish masalalarini muhokama qiladi», — dedi Gor.
