Ўзбекистонда донорнинг ўз қонини кейинчалик ўзига қуйиш тартиби тасдиқланди
У қуйидаги ҳолларда рухсат этилади:
✔️ бегона қон қуйиш имкони бўлмаса;
донорнинг қон гуруҳи камёб бўлса;
✔️ донор бегона қонни рад этса.
Қон олишдан олдин донор тиббий кўрик ва лаборатория текширувидан ўтади. Агар ОИВ, гепатит B ёки C, захм аниқланса ёки гематокрит 25%дан паст бўлса — автодонорликка рухсат берилмайди.
Қонни олиш мумкин:
✔️операциядан 30 кун олдин;
✔️операциядан 1–2 соат олдин;
✔️операция вақтида (олдиндан розилик билан).
Олинган қон махсус музлаткичларда сақланади: плазма — 1 йилгача, эритроцит массаси — 35 кунгача.
Шунингдек, 2026 йилдан ҳар ой “Бирга ҳаётни сақлаймиз” миллий донорлик акцияси ўтказилади, 2027 йилдан эса “Қон маҳсулотлари электрон ҳисоби” тизими ишга тушади.
